Во Турција уапсени 43 лица осомничени за планирање напади

EPA-EFE/STR

Турските власти денеска уапсија 43 лица кои се осомничени дека припаѓаат на таканаречената Исламска држава и планирале напади за време на одбележувањето на националниот ден на Турција, соопшти полицијата.

Осомничените се уапсени во Истанбул и северозападниот дел на турската провинција Бурса во три различни операции.

Како што се наведува во соопштението, се претпоставува дека тројца уапсени ги планирале нападите за време на одбележувањето на Денот на Републиката во Истанбул и дека антитерористичките единици откриле дека осомничените биле во контакт со лица кои требало да им обезбедат логистичка помош за нападот.

Според агенцијата Анадолија, 26 припадници на ИД се уапсени денеска во Бурса, од кои 12 Сиријци кои ќе бидат депортирани, додека 14 се задржани во полициска станица.

Апсењата се случија два дена откако американскиот претседател Доналд Трамп објави дека лидерот на ИД Абу Бакр ел-Багдади е убиен во специјална операција на американските сили во североисточна Сирија, во близина на турската граница.

Во Турција денеска се одбележуваат 96 години од формирањето на секуларната држава, по распадот на Отоманската империја.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот