Во Тирана уапсено лице кое го засолнило турскиот измамник со криптовалута, Озер

Апсење/Фото: МИА

Четири месеци откако турскиот бизнисмен со криптовалути Фарук Фатих Озер се засолни во Албанија, албанската полиција го приведе Едевалдо Хаџиу, кому му е одреден и притвор на барање на обвинителството во Тирана.

-Триесет и шестгодишниот, Хаџиу, кој е сопственик на агенција за обезбедување во Драч, според турските медиуми, на аеродром во Тирана го чекал толку бараниот Турчин и го засолнил, спасувајќи го од апсење од полицијата. Озер ја напуштил Турција на 20 април зедно со сервер кој содржел 108 милиони долари во криптовалута и прстигнал во Тирана, каде се криел повеќе денови, менувајќи ги хотелите каде престојувал. За овој случај во Турција се уапсени 81 лице, меѓу нив и двајцата браќа на Озер, кој по повеќедневен престој во Албанија, основано се сомнева дека со моторен чамец пребегал во Италија, пренесува Ора њуз.

Според истиот извор, Хаџиу е приведен од албанската полиција по истрагата која покажала дека тој му помогнал и го скрил турскиот државјанин Озер, кој се смета за шеф на криптовалути.

Турскиот весник „Сабах”, пак, објави дека ова е важен развој во врска со истрагата со досието со кодно име „Тодекс”, започната од турските власти за шефот на криптовалутите, Фарук Фатих Озер.

-Турските власти го истакнуваат фактот дека албанската полиција го пронашла шефот на криптовалутите и отишла да го уапси во хотелот каде што престојувал, но Хаџиу пристигнал таму порано, засолнувајќи го на друго место, со што го избегнал апсењето, додава весникот.

Озер е осомничен дека присвоил околу две милијарди долари од над 390.000 кленти во турската криптовалута „Тодекс”. Според Топ чанел Хаџиу е внук на Арманд Дука, претседател на албанската фудбалска федерација. 

Извор: МИА

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот