24.8 C
Скопје

Во Тетово прекината свадба со 80 гости, приведени менаџер и сопственик на угостителски објекти

При контрола на угостителски објекти, вчера во Тетово поради прекршување на прописи во време на пандемија прекината е свадбена веселба, а затворени се два локали и приведени сопствениците. На свадбата во угостителски објект на улицата „Видоја Смилевски-Бато” биле затекнати 80 гости.

– Контролата во овој објект е извршена вчера во периодот од 18.00 до 20.45 часот во Тетово од страна на полициски службеници од СВР Тетово во содејство со инспектори од Државниот пазарен инспекторат. Објектот бил затворен од Државниот пазарен инспекторат, а менаџерот Д.С.(38) од село Мала Речица, Тетовско, бил лишен од слобода и задржан во полициска станица. По целосно документирање на случајот ќе биде поднесена пријава по член 206 од Кривичнит законик за „непостапување според здравствените прописи за време на епидемија”, информира Марјан Јосифоски, портпарол на СВР Тетово.

Подоцна околу 23 часот полициски службеници од СВР Тетово го лишиле од слобода Д.С.(30) од тетовски Лешок, затоа што неговиот угостителски објект во Лешок работел по дозволеното време и во него биле послужувани гости. Исто така, сопственикот е приведен за расчистување и документирање на случајот.

– За сопственикот ќе биде поднесена пријава по член 206 од Кривичниот законик за „непостапување според здравствените прописи за време на епидемија”, информира Јосифоски.

Објектот бил времено затворен од Државниот пазарен инспекторат.

Поврзани вести

Мекафи се самоубил

Слободен печат

Логар: Европската иднина на Западен Балкан е меѓу приоритетите на словенечкото претседателство со ЕУ

Слободен печат

Со нож избодела сестрата близначка

Слободен печат

ВИДЕО | Торнадо ја опустоши Јужна Моравија: Автомобили паѓаа по куќи

Слободен печат

Спасовски домаќин на „Регионалниот патоказ за борба против корупција и нелегални финансии” во Охрид

Слободен печат

ВИДЕО | Безмалку 100 исчезнати во урнатата зграда на Флорида

Слободен печат

Остави Коментар