Во текот на вчерашниот ден на грчките острови пристигнале речиси 800 бегалци и мигранти

Мигранти / Фото: EPA/Bienvenido Velasco

За само еден ден, вчера, на грчките острови во Егејското Море, што се наоѓаат во близина на турското крајбрежје, пристигнале 791 бегалец и мигрант според официјалните податоци од грчката влада, јави дописничката на МИА од Атина.

Најголем број од пристигнувањата се на Лезбос -244, а на островот Самос вчера биле регистрирани, 226 нови бегалци и мигранти.

Заклучно со 17 септември, според официјалните податоци, во прифатните центри за бегалци и мигранти на грчките острови сместени се вкупно 27211 лица, од кои 13181 на Лезбос, а 5425 на островот Самос.

Од почетокот на месецов до вчера, бројот на пристигнувања на островите достигнува до 5306 бгеалци и мигранти.

Според седмичниот извештај на УНХЦР-Грција, во периодот од 9 до 15 септември, на островите во Егејското Море пристигнале 1745 лица, бројка помала споредбено со една седмица претходно, но поголема од истиот период лани.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот