9.2 C
Скопје

Во тек е пријавување за субвенции за чистење на оџаци

Град Скопје ги потсетува граѓаните дека е во тек јавниот повик за доделување субвенции на домаќинствата и на други субјекти за чистење оџаци, како една од мерките за намалување на последиците од загадувањето на воздухот. До овој момент до Град Скопје се пристигнати 95 барања за субвенции за чистење оџак.

– Со оваа мерка Градот Скопје ќе надомести дел од трошоците на домаќинства и на други субјекти за чистење на оџаците, во нето износ најмногу до 1.200 денари, а за субвенции можат да достават барање физички и правни лица чие живеалиште, односно седиште е на подрачјето на Град Скопје. Изминатите години субвенцијата беше во износ најмногу до 1.000 денари, информираат од прес-службата на Град Скопје.

Прочитајте и...  Повеќе од 100 припадници на американската Национална гарда се позитивни на Ковид-19

Оттаму посочуваат дека субвенциите важат и за исчистени оџаци од 1 јануари 2020 година, a Јавниот повик трае заклучно со 30.11.2020 година, и ќе биде реализиран по принципот „прв дојден прв услужен”, односно до реализирање на средствата предвидени за оваа намена со Буџетот на Град Скопје за 2020 година. Додаваат дека препорачливо е оџаците да се чистат три пати годишно, двапати во текот на грејната сезона и еднаш кога е таа завршена

Повеќе информации за јавниот повик, граѓаните ќе можат да најдат на следната интернет врска – https://skopje.gov.mk/media/4997/javen-povik-cistenje-odzaci-2020.pdf.

Целта на овој проект, се ванедува во соопштението, што Град Скопје го реализира континурано е намалување на загаденоста на амбиентниот воздух во градот, особено со партикуларните честички (ПМ10 и ПМ2,5).

Прочитајте и...  Политичарите во Шпанија се вацинирале пред приоритетните групи

– Една од поголемите причини за емисија на овие честички е затоплувањето на објектите кои не се приклучени на централно греење, пред се, заради нецелосното и несоодветно согорување на огревното дрво, несоодветниот квалитет на дрвото и начинот на негово чување и употребата на стари, дотраени и технички неисправни печки, како и нередовно чистење и одржување на оџаците. Познато е дека опасноста од запуштени и неисчистени оџаци е голема. Не само што загадувањето и емисијата на ПМ 10 честички е голема, туку се загрозува и безбедноста на корисниците ако не се спроведува редовно чистењето, посочуваат од Град Скопје.

Град Скопје оваа мерка ја реализираше и во 2018 и 2019 година, кога беа доделени вкупно 634 субвенции.

Прочитајте и...  Реакција од Шведска до докторите за случајот на Маја Дамевска: Ако не знаете како да ординирате биолошка активна терапија, редно е да научите како

Поврзани вести

Се подготвуваат измени на законот за игри на среќа-АСОМ не ги прифаќа

Слободен печат

Политичарите во Шпанија се вацинирале пред приоритетните групи

Слободен печат

Во Албанија продолжува трендот на раст на новозаразени од Ковид -19

Слободен печат

Работници од Турција затекнати непријавени на објект во Скопје

Слободен печат

Членките на ЕУ на Балканот го спречуваат европското „прелевање“ во регионот

д-р Хамза Карчиќ/Анадолу

Сообраќајот по наместа влажни коловози, снег врне на Попова Шапка

Слободен печат

Остави Коментар