Во Суринам запленети 900 килограми кокаин на врв на планина
Кубанецот бил задолжен за следење на кокаинот на плато на висорамнината Тафелберг во Централниот природен резерват, каде полицијата ја спроведе акцијата.
Полицијата во Суринам заплени 900 килограми кокаин и уапси Кубанец при операција спроведена на врвот на една од највисоките планини во оваа мала јужноамериканска земја.
Кубанецот бил задолжен за следење на кокаинот на плато на висорамнината Тафелберг во Централниот природен резерват, каде полицијата ја спроведе акцијата.
Претседателот на Суринам, Чан Сантоки, рече дека акцијата следи по договорот со претседателот на Гвајана, Ирфан Али, за соработка во операциите со наркотици.
– Ова е прв резултат на таа соработка, која се заснова на добра размена на информации, рече Сантоки.
Запленивме дрога и други предмети, но мора да ги уапсиме и оние кои беа задолжени за нивна набавка, нагласи претседателот на Суринам.