Приврзаниците на ирачкиот шиитски свештеник Моктада ал Садр убија шест лица за време на синоќешните судири со демонстрантите во Насирија, јужен Ирак.

Демонстрантите кои протестираа против ирачката Влада ги обвинија приврзаниците на Садр дека отвориле оган врз нив при што загинаа шест луѓе, а повредени се 60 лица.

Приврзаниците на Садр синоќа ги запалиле шаторите на демонстрантите на плоштадот Хабуби, а демонстрантите утрово повторно се собраа наплоштадот за да изразат поддршка на соборците кои трагично го загубија животот во судирите.

Насирија беше центар на протестното движење покренато во октомври 2019 година против Владата, за која тврдат дека е корумпирана, неспособна и зависна од соседен Иран. Исто така Насирија е едно од местата на најкрвави инциденти за време на бунтот, каде пред една година беа убиени повеќе десетици луѓе поврзани со демонстрациите.