Авион со товар од еден милион дози од кинеската вакцина „Синофарм“ утрово слета на белградскиот аеродром. 

Десетте контејнери ги пречека претседателот на државата Александар Вучиќ, министерот за здравство Златибор Лончар, шефот на БИА, Братислав Гачиќ и кинескиот амбасадор во Србија, Чен Бо. Вучиќ најави дека тој најверојатно ќе ја прими кинеската вакцина во наредните денови за да покаже дека е безбедна за населението.

Кинеската вакцина се уште не е одобрена во Србија, поради што од Кризниот штаб за сузбивање на епидемијата на вирусот, претходно изјавија дека нејзината примена може да започне во недела или понеделник.

Вакцината на кинескиот производител „Синофарм“ е третата вакцина што ќе се користи во Србија, по „Фајзер“ и руската „Спутник Ви“.

Србија соопшти дека досега се вакцинирани околу 19.000 лица.