Две безживотни тела се пронајдени утрово во близина на Сремска Митровица. Мажите починале како резултат на истрели од огнено оружје, јави дописникот на МИА од Белград.

Во болницата во Сремска Митровица се пренесени и повредени двајца мажи, кои се осомничени дека го извршиле убиството.

Полицијата сè уште нема соопштено официјалните информации, но според белградските медиуми станува збор за конфликт околу потрага по печурки тартуфи.

Се наведува и дека двете жртви биле браќата П.Ј. (43) и С.Ј. (37) од Футог, кои се убиени во шумата во селото Јарак. Наводно, браќата отишле да бараат тартуфи, каде се сретнале со браќата Д.Е. (38) и Н.Е. (36) по што се случила расправија меѓу четворицата, а потоа и конфликт. Убиените браќа наводно со секири претходно ги нападнале другите двајца браќа, кои потоа пукале во нив.