Србија и натаму бележи над 50 новозаразени од коронавирус на дневна база, а меѓу 5.470 тестирани во последните 24 часа 59 биле позитивни на ковид-19, покажуваат официјалнтие податоци на министерството за здравство објавени во вторникот.

Со уште еден смртен случај од понеделникот до 15 часот денеска, Србија од 6 март кога е прогласена епидемијата од коронавирус, има вкупно 256 жртви на инфекцијата, со процент на смртност од 2,06.

Во тој период се тестирани 313.483 лица, а регистрирани се вкупно 12.426 заразени.

Србија моментално има 546 хоспитализирани пациенти, а на респиратори се 15 заболени.

Таа статистика и натаму Србија ја држи на листата на земји чии државјани не можат слободно да ги преминат границите на повеќето европски држави меѓу кои и членките на ЕУ.