Во Солун запалено американското знаме, Помпео на Крит на гости кај Мицотакис

Во воената база Суда на грчкиот остров Крит, државниот секретар на САД Мајк Помпео и премиерот на Грција Кирјакос Мицотакис денеска ќе одржат средба на која ќе разговараат за низа прашања поврзани со Источниот Медитеран, безбедноста, одбраната и сл.

Помпео и неговата сопруга, синоќа, кусо пред 21 часот, пристигнаа на Крит, поконкретно во куќата на Мицотакис, каде што и престојуваат, а беа пречекани од грчкиот премиер и неговата сопруга, јави дописничката на МИА од Атина.

-Топло добредојде, напиша Мицотакис на неговиот официјален „Инстаграм” профил, објавувајќи видеа од пречекот на Помпео.

Помпео со Мицотакис се сретна на Крит, 19 септември 2020/ Фото: ARIS MESSINIS / AFP / Profimedia

Од балконот на неговата куќа со поглед кон Суда, грчкиот премиер и американскиот државен секретар доцна синоќа имаа кус разговор, додека пак официјалниот дел и средбите на двете делегации се закажани за денеска.

Прочитајте и...  Шекеринска: Пораките коишто доаѓаат се дека од нас и од Бугарија се очекува да се стави точка на недовербата и непријателството

Ова не е првпат висок американски функционер да го посети домот на семејството Мицотакис.

Во 1991 година, тогашниот премиер Константинос Мицотакис, таткото на актуелниот грчки премиер, му беше домаќин на тогашниот претседател на САД Џорџ Буш.

Американскиот државен секретар, на Крит пристигна од Солун каде што имаше низа средби, а со шефот на грчката дипломатија Никос Дендиас го разгледаа Стратешкиот дијалог на високо ниво меѓу двете земји.

Портпаролот на грчката Влада Стелиос Пецас на вчерашниот редовен брифинг со новинарите рече дека посетата на Помпео, втора за една година, „ја одразува клучната улога што од една страна ја има Солун и како развоен центар на Балканот, а од друга страна Суда за геостратешките планови во Источниот Медитеран и на Блискиот Исток”, но и ги истакнува „обновените стратешки односи меѓу двете земји”.

Прочитајте и...  Делчев Тодев: Со Буџетот за 2021 година повторно не се предвидени средства за изедначување на платите на полицајците со административците

Паралелно, во Солун и Атина се одржаа протести против посетата на американскиот државен секретар на Грција.

Антиамерикански протест во Солун / 28.09.2020/ Фото: EPA-EFE/ACHILLEAS CHIRAS

Демонстрантите во Солун му порачаа на Помпео да си оди и го запалија американското знаме.

Поврзани вести

ВИДЕО | Пановски: Терапијата што се дава во ковид – центрите во Скопје, треба да се дава и во центрите во внатрешноста

Слободен печат

Црн рекорд во САД: Над 93.000 заразени пациенти се хоспитализирани

Слободен печат

Анализа на мостри од 40 мерни места: Водата во Скопје е квалитетна и безбедна за пиење

Слободен печат

Според испратените СМС пораки: Паркингот на Водно викендот го искористиле 665 возила

Слободен печат

ВИДЕО: Бајден посетил ортопед, повредата на стапалото е поголема отколку што се мислело

Слободен печат

ВИДЕО | Милевски: Со ефективен регионален развој до забрзан инвестициски бум

Слободен печат

Остави Коментар

MacedonianAlbanian