Во Словенија повторно голем број новозаразени, за 24 часа регистрирани се 116 новозаразени
Во Словенија за еден ден 116 новозаболени од Ковид-19
Во Словенија во изминатите 24 часа регистрирани се 116 новозаразени луѓе со Ковид-19, што е највисока дневна бројка летово.
– Од 1.686 ПЦР тестови потврдени се 116 заразени односно 6,9 отсто помеѓу тестираните, додека претходнио ден имаше 99 новозаразени односно 6,7 проценти, објави словенечката Влада на Твитер.
Тоа е најголем број потврдени инфекции од 15 јуни, кога имаше 117. Во споредба со пред една недела, бројот на новозаразените е повеќе од двојно зголемен, како што двојно е зголемен и бројот на тестови.
Според епидемиолозите, во Словенија во моментов има 970 активни инфекции.
Во Словенија, 38,1 проценти од вкупното население примиле две дози од вакцината против Ковид-19.