Во Словенија повторно ден со нула новозаразени

СП - Архива

Сите оние кои се во изолација немаат симптоми на болеста и се чувствуваат добро.

По неколку регистрирани нови случаи на лица заразени со коронавирусот, здравствените власти во Словенија објавите дека денеска повторно имаат ден без ниту еден новозаразен, јави дописникот на МИА од Љубљана.

Според Националниот институт за јавно здравје, во изминатите 24 часа во земјата се направени 828 нови тестирања за Ковид-19 и сите биле негативни.

Смртни случаеви поради инфекцијата денес нема, а во медицинските центри низ земјата болнички се лекуваат само уште пет лица.

Епидемиолозите се уште ја бараат причината за новите три случаеви на коронавирусот кои се појавија во Марибор. Од вчера 42 лица се во карантин откако кај три ученици беше потврден вирусот. Сите оние кои се во изолација немаат симптоми на болеста и се чувствуваат добро.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот