Во Словенија епидемијата со корона вирусот може да заврши кон крајот на април
По направената анализа и симулација во земјата се вели дека доколку се почитува социјалното дистанцирање епидемијата би требало да заврши многу брзо.
Во Словенија е направена анализа и симулација која покажува дека епидемијата со коронавирусот во земјата може да заврши до крајот на април.
Симулацијата ја направи доктор Матјаж Лесковар од Институтот Јожеф Стефан, а е создадена по едноставен точкест модел на епидемија. Користени се јавно достапните податоците за начинот на ширење на вирусот и како се развива болеста Ковид-19.
Дополнително Лесковар изработи и повеќе сценарија за ширењето на вирусот во услови на почитување и непочитување на социјалното дистанцирање.
Според тие податоци доколку не се следат наредбите за изолација, бројот на заразени и заболени многу ќе се зголемува.