Во Словенија 395 новозаразени со ковид-19, премиерот Јанша ја врши должноста на министер за здравство
Во Словенија во последните 24 часа се потврдени 395 нови случаи со коронавирус, а починаа 39 лица, пренесуваат тамошните медиуми.
Спроведени се 1.446 тестови, а позитивни се 27,32 отсто од тестираните, што е значитечлно подобар резултат отколку еден ден порано, кога секој трет беше позитивен, со 884 новозаразени и 40 смртни случаи, пренесува Индекс.
Во болниците моментално има 1.214 заболени од ковид-19, што е за 15 повеќе во однос на ден претходно, а 202 лица потешко заболени се лекуваат на одделенијата за интензивна нега.
Со 39 нови смртни случи во последните 24 часа во Словенија, бројот на починати од почетокот на пандемијата во оваа земја се зголеми на 2.353 лица.
Премиерот Јанез Јанша привремено ја презема и должноста на министер на здравје по излезот на партнерската партија од коалицијата.