Во штипското училиште „Гоце Делчев” се инвестираат речиси 20 милиони денари
Почна реконструкцијата на фасадата во општинското основно училиште „Гоце Делчев” во Штип. Министерството за образование и наука обезбеди 10.700 денари за реконструкција и поставување на енергетски ефикасна фасада и осум милиони денари за санација на кровот.
Градоначалникот на Штип, Сашко Николов денеска изврши увид во градежните работи.
-Со оваа крупна инвестиција училиштето ќе добие енергетска ефикасност и големи заштеди на електричната енергија. Општината досега во ова училиште има вложено околу шест милиони денари, со кои беа санирани санитарните јазли, поставување на ограда околу училиштето, а исто така решен е и проблемот во подрачното училиште во населбата „Три чешми”, каде е поставена дренажа, вели Николов.
Директорот на училиштето Трајче Димков информира дека со средства од општината набавена е нова дигитална опрема и училишен мебел, а соработката со општината резултирала со изработка на техничката документација за да се добие еден капитален проект од Министерството за образование и наука