Шпанската цивилна гарда со подршка на Европол спроведе  серија апсења на лица обвинети дека продавале и дистрибуирале храна заразена со опасната и смртоносна бактерија листерија.

Европол соопшти дека се уапсени 6 лица кои иако знаеле за листеријата не ги информирале властите туку продолжиле да ја продаваат и дистрбуираат заразената храна.

Се претпоставува дека ова би можело да биде и причината за појавата на лисетерија која се појави во неколку региони во Шпанија, во кои досега се заразени 193 лица.

Иако компанијата која продавала заразени месни производи работи воглавном во Шпанија, сепак се верува дека има уште неколку лица заразени од листерија во други европски држави.

Во Франција, од конзумирање на заразена храна досега се потврдени 4 случаи на заразени од оваа смртоносна бактерија.