Во Шпанија се враќаат тренинзите, „Ла Лига“ продолжува во јуни!

Пред тренинг, ќе бидат тестирани играчи и претставници на ограничениот тренерски персонал. Ова ќе се случи во нивните автомобили.

Премиерот на Шпанија Педро Санчез објави дека од 4 мај на локалните професионални спортисти ќе им биде дозволено да прават индивидуални тренинзи надвор.

Ова значи дека играчите сега ќе можат да ги спроведуваат своите активности во клупските бази, иако самостојно. Овој датум е спомнат и во протоколот на Врховниот совет за спорт, испратен до Министерството за здравство и објавен од Санчез.

Пред тренинг, ќе бидат тестирани играчи и претставници на ограничениот тренерски персонал. Ова ќе се случи во нивните автомобили.

Наведени се уште три важни датуми. Од 18 мај тренинзите ќе се одржат во мали групи од шест, а една недела подоцна по осум. Ќе нема повеќе од 10 лица на терен, вклучувајќи ги и тренерите.

На 1 јуни се предвидува активности да бидат дозволени во исто време за целиот тим, но повторно под одреден протокол. 5 јуни е долгоочекуваниот датум на кој веројатно ќе продолжи сезоната во Ла Лига, иако без публика.

Во зависност од напредокот на тренинг процесот, можно е да има еднонеделно одложување и првите натпревари од 28-то коло да се играат на 12 јуни.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот