Во најголемиот и најтешко погодениот бразилски град Сао Паоло, коронавирусот допрва треба да го достигне пикот, а здравствениот систем веќе се распаѓа, објави Си Ен Ен.

Додека лекарите се обидуваат да спасат животи, претседателот Жаир Болсонаро фокусиран е на економијата на својата земја.

Бразил оваа недела изби на второто место на светот по бројот на заразени, после САД и има повеќе од 330.000 потврдени случаи од коронавирус. И покрај тоа, бразилскиот претседател, кој ковид-19 го нарекува „мал грип“, ги повика претпријатијата повторно да отворат.

Во болницата Емилио Рибас во Сао Паоло нема повеќе слободни кревети. Во тој град од коронавирус починаа речиси 6.000 луѓе, а потврдени се повеќе од 76.000 случаи на инфекции.

Во ридовите над Сао Паоло, на гробиштата Вила Формоса се бескрајни нови гробови, а се чини дека погребите се случуваат на секои 10 минути.

Open and occupied graves are seen at Vila Formosa cemetery, Brazil's biggest cemetery, in Sao Paulo, Brazil. More photos of the day: https://t.co/Xkd5YcXtCV ? @AMPerobelli pic.twitter.com/hhdhpWIuCm

— Reuters Pictures (@reuterspictures) May 25, 2020

Според здравствените експерти најголемата закана на бразилскиот одговор на Ковид-19 е претседателот Жаир Болсонаро, а критиките дојдоа откако на почетокот од месецов новинарите го прашаа да го прокоментира драстичниот пораст на заболени, по што Болсонаро одговори „Па што, што очекувате од мене да направам?“.

Администрацијата на бразилскиот претседател минатата недела одобри употреба на хидроксихлорокин, лекот против маларија, кој американскиот претседател Доналд Трамп го промовира како терапија за Ковид-19.

Сепак, лекот против маларија кој се промовира како потенцијален лек во лекувањето против вирусот Ковид-19, не се покажа како ефикасен против оваа болест, туку напротив, ја зголемува смртноста кај пациентите кај кои е применуван, покажаа анализи објавени минатиот месец од американските болници каде бил користен во терапијата. Исто така, нови студии деновиве тврдат дека „лекот на Трамп“ е бескорисен.

Клиничкото испитување на лекот за маларија хидроксиклорокин во лекувањето на ковид-19 привремено е прекинато поради загриженоста околу неговата безбедност, објави денеска директорот на СЗО, Тедрос Адханом Гебрејесус.