Во САД во јули отворени 1,8 милиони нови работни места
Најмногу вработувал секторот забава и угостителство, потоа малопродажба, и секторите на професионални и деловни услуги и здравството.
Американските работодавачи во јули нето отворија 1,8 милиони работни места, значително помалку од јунскиот рекорд, покажаа денешните податоци на министерството за труд.
Министерството воедно незначително ги ревидирапе податоците за јули и јуни, кои покажуваат дека во тие два месеци нето се отворени вкупно 4,79 односно 2,75 милиони работни места.
Јунската бројка е најголема од 1939 година, кога владата почна да ги собира тие податоци.
Стапката на невработеност падна во јули за 0,9 процентни поени во однос на јуни и изнесува 10,2 посто. Вкупно во јули без работа останаа 16,3 милиони Американци, за 1,4 милиони помалку од јуни.
И покрај падот во изминатите три месеци стапката на невработеност во јули била повисока за 6,7 проценти поени отколку во февруари, пред избивањето на епидемиајта. Бројот на невработени е поголем е за 10,6 милиони отколку во вториот месец во годината, нагласуваат од министерство.
Приватниот секор во изминатиот месец нето отвори вкупно 1,46 милиони работни места, а државните служби 301 илјади.
Најмногу вработувал секторот забава и угостителство, потоа малопродажба, и секторите на професионални и деловни услуги и здравството.
Извештаите покажуваат дека просечната цена по час во јули била речиси непроменета во однос на јуни и изнесувала 29,39 долари.