Процесот на ветинг е многу важен и е предизвик, особено во правосудниот систем, рече вечерва во гостувањето на „Алсат“ американската амбасадорка во земјава, Анџела Агелер.

Според неа, многу е важно овој процес, доколку се направи, да биде спроведен на целосно транспарентен и фер начин.

„Ветингот може да биде многу предизвикувачки, како што видовме во некои други држави каде што не функционираше добро. Тоа е особено предизвик во правосудниот систем поради потребата да се проценат оние кои се веќе на позиција и во систем каде што веќе постои корупција, многу е важно да се осигураме дека тој процес е целосно транспарентен и фер. Проверката во САД се врши пред да се дојде на функција. Немаме доволно време да ви ја опишеме маката низ која поминав за да бидам номинирана и потврдена за амбасадор на САД. Се надевам дека оваа земја ќе најде начин да го придвижи процесот на ветинг пред луѓето да ги преземат своите позиции, на начин кој е најдобар за таа институција“, рече Агелер.