Властите на САД уапсија две лица кои според истрагата помогнале во реализацијата на бегството од Јапонија на Карлос Гон, поранешен раководител на алијансата „Рено-Нисан-Митсубиши”.

Гон се наоѓаше во домашен притвор лани во Јапонија и успеа да избега од јапонските власти во филмски организирано авионско бегство преку повеќе граници од Токио до Либан.

Задржувањето било направено по барање на Јапонија. Според информациите во некои американски медиуми, задржаните се браќата Питер и Мајкл Тејлор, вториот е поранешен служител во „Зелени беретки”, специјална единица во армијата на САД. Тие наскоро треба да се појават пред федерален судија во Масачусетс по видео врска.

Како што е веќе познато, Карлос Гон од Јапонија беше обвинет за финансиски малверзации но при крајот на 2019 година успеа да побегне од куќен притвор таму во Либан. Гон тогаш изјави дека побегнал од „неправеден и политички мотивиран прогон” на кој бил изложен во Токио. Обвинителството на Токио кон крајот на јануари зеде три налози за апсење на лица вовлечени во бегството. Еден од налозите бил издаден на име Мајкл Тејлор.