Во САД рекордни над 83.700 новозаразени од Ковид-19 од почетокот на епидемијата
Рекорден број новоинфицирани со Ковид-19 се регистрирани во САД за изминатите 24 часа – повеќе од 83.757 лица, што е за околу 6.000 повеќе од претходниот рекорд.
Претходниот рекорд беше поставен на 16 јули, кога САД пријавија 77.362 новоинфицирани лица.
Бројот на смртни случаи од коронавирусот во САД се зголеми на близу 224.000, покажуваат податоците на Универзитетот Џонс Хопкинс.
САД се убедлив лидер во светот и во однос на бројот на потврдени случаи на инфекција и на бројот на смртни случаи. Инфекцијата е потврдена кај повеќе од 8,7 милиони луѓе во таа земја, што е повеќе од една петтина од регистрираните случаи во светот.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ. СО ПОЧЕТНА СУМА ОД 60 ДЕНАРИ
Видео на денот