Во Русија: Уапсена активистка за права на мигрантите

Валентина Чупик, активистка за права на мигрантите / Фото: РСЕ

Активистката за права на мигрантите Валентина Чупик денеска потврди дека е уапсена на московскиот аеродром, откако руската безбедносна служба и го укина статусот на бегалец.

– Се наоѓам на аеродромот Шереметјево, во специјален центар за притвор. Се плашам дека ќе ме депортираат во Узбекистан, изјави Чупик за западни медиуми, напоменувајќи дека нејзината депортација се очекува во рок од 24 часа.

Руската безбедносна служба ФСБ ѝ го одзеде статусот на бегалец, кој го имаше како државјанка на Узбекистан од 2009 година, а во Русија престојува веќе 30 години, објави денеска Новаја газета, повикувајќи се на документите што им ги доставила Чупик.

Радио Слободна Европа / Радио слобода јавува дека руските власти не сакаат да го коментираат апсењето на Чупик.

Активистката за човекови права се пресели во Русија од Узбекистан во 2005 година и раководи со организација со седиште во Москва, која обезбедува бесплатна правна помош за мигрантите. 

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот