Во Русија повторно црн рекорд во број на починати од ковид-19

epa-efe
Жена со заштитна маска поминува покрај улична уметност во Москва, инспирирана од пандемијата со коронавирусот / Фото: EPA-EFE/SERGEI ILNITSKY

Во Русија во изминатите 24 часа од ковид-19 починале повеќе од 1000, најмногу за еден ден од почетокот на епидемијата, соопштија денеска здравствените власти.

Бројот на новозаразени со вирусот во последните 24 часа е 33 208, а бројот на смртни случаи изнесува 1002.

Во последниве недели е зголемен бројот на лица кои се заразуваат и умираат од коронавирусот во Русија.

Рускиот министер за здравство Михаил Мурашко ја припишува сегашната состојба на однесувањето на населението и недоволната вакцинација, и покрај достапноста на неколку национални вакцини.

Од почетокот на пандемијата во Русија од ковид-19 починаа вкупно 222 315 луѓе.

Извор: МИА

Видео на денот