Во Романија ќе се тестира систем кој ги предвидува земјотресите четри часа пред да се случат
Во Политехничкиот Универзитет во Букурешт- Романија, ќе се тестира систем кој може да ги предвиди земјотресите, барем четри часа пред тие да се случат.
Според „Mediafax“, ситемот ќе биде во можност да го открие нивото, интензитетот и блискиот епицентар на земјотресот. Тестирањата ќе се спроведат во реонот на Вранча.
Системот е направен од страна на израелската компанија „Ionoterra“. Тој е се уште во концепт-фазата, по тестирањата направени во Турција и Грција, кадешто имаше огромен успех.
Во следната фаза, системот ќе се тестира во Вранч, што е една од најактивните сеизмички зони во Европа. Според Ректорот на Универзитетот, системот ќе почне да функционира од средината на следната година. Проби ќе се направат и во сојузната американска држава Калифорнија.
– Според проценките направени од страна на Политехничкиот Универзитет, убедени сме дека може да имаме верни информаци, минимално четири часа пред земјотресот да се случи – кажа Миеа Костиу, ректор на Политехничкиот Универзитет во Романија.
Израелската компанија „Ionoterra“, која го создаде системот и официјално го престави во Романија, тврди дека предупредувањата за земјотресот ќе може да се објавуваат и осум часа пред да се случи истиот.
Првичните тестови се направени во Источна Грција и во Западна Турција, употрбувајќи минимален систем на предвидување, и со ниво на успех од 90 проценти.
Од 75 предупредувања што беа објавени за земјотрес, 68 се потврдени од Европскиот медитерански сеизмолошки центар со силина од 2.58 степени според Рихтеровата скала.