Лионел Меси и Кристијано Роналдо се двајцата најдобри фудбалери на денешницата кои доминираат во светскиот фудбал. Во последните 10-тина години тие двајца се редовни добитници на најградите за најдобри фудбалери, а фановите постојано дебатираат кој е подобар од нив двајца.

На оваа тема се огласи и фудбалерот на Реал Мадрид, Дани Карвахал кој на изненадување на многумина фанови на „кралскиот клуб“ не застана на страна на поранешниот соиграч. Вообичаено, фудбалерите на Реал Мадрид додека Кристијано Роналдо беше дел од тимот, велеа дека не постојат дилеми околу тоа кој е подобар фудбалер. Сега кога Роналдо си замина од „Сантијаго Бернабеу“, сликата се промени.

– Меси и Роналдо е тешко да се споредуваат, тие се најдобрите фудбалери во историјата но многу се разликуваат. Меси и играчот кој повеќе ја претставува фудбалската игра, има подобра визија за теренот за додавањата и сака топката секогаш да ја има во своите нозе. Од друга страна, Роналдо се фокусира да биде околу голот и да постигнува што повеќе голови. Многу се различни, но неверојатно добри фудбалери – изјави Карвахал.