Во рамки на Берлинскиот процес, тинк тенк форум и средба на министри за надворешни работи

Во рамки на заедничкото претседателство со Берлинскиот процес за 2020 година на Бугарија и Северна Македонија од денеска до 10 март во Скопје ќе се одржат два настани – Тинк тенк форум и средба на министри за надворешни работи.

Средбата на министрите за надворешни работи ќе се одржи во Скопје во вторник 2020 година како дел од заедничкото претседателство со Берлинскиот процес за Западен Балкан 2020 година на Република Бугарија и Република Северна Македонија.

Станува збор за неформална средба во т.н. „ГИМНИХ” формат, вклучувајќи ги и министрите од шесте земји од Западен Балкан и земјите-членки на ЕУ од Берлинскиот процес, како и претставници на ЕК, ЕЕАС и РСС.

По најавената нова методологија за пристапни преговори и во пресрет на Советот за општи работи во март, средбата ќе се искористи, меѓудругото, и како можност за дискутирање на европските перспективи на шесте земји од Западен Балкан (ЗБ6).

Во рамки на заедничкото претседателство, Институтот за демократија „Социетас цивилис” – Скопје (ИДСЦС), во соработка со софиската канцеларија на Европскиот совет за надворешни работи (ЕЦФР), организира тридневен тинк тенк форум насловен „Стимулирање стратегиска автономија. Придонесот на Западен Балкан кон заедничка европска иднина.”

Тинк тенк форумот ќе се одржи од 8 до 10 март. Во вторник ќе има два заеднички панели меѓу министрите/претставниците на министерствата за надворешни работи на земјите-учеснички во Берлинскиот процес и учесниците на тинк тенк форумот. Двата панели ќе бидат затворени за прашања и коментари од публиката. Учесниците ќе се обратат на панелите врз основа на прашањата поставени од соодветните претседавачи на панелите.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот