Во престрелка во Арачиново повредени се три лица
Две лица завршија во болница со рани од огнено оружје, а третиот кажал дека се повредил во сообраќајка и заминал од болницата. Сите биле повредени во престрелка во Арачиново поради долг.
Полициски службеници од СВР Скопје вчера ги привеле М.А, М.С.(35) од с.Страчинци и Н.Џ.(27) од с.Арачиново, постапувајќи по пријава според која околу 02.00 часот, по претходна расправија, во с.Арачиново, скопско, М.А.(31) од с.Страчинци, скопско, испукал од огнено оружје и го повредил Б.А.(36) од с.Арачиново, скопско, поради долг што го имал Б.А. кон него.
Подоцна, во Комплексот клиники „Мајка Тереза” со повреди од огнено оружје се пријавил М.А., додека во Градската општа болница „Св.Наум Охридски” со повреди од огнено оружје бил донесен Б.А.. Во истата болница со повреди од огнено оружје бил донесен и Ф.Н., кој пред полициските службеници изјавил дека се повредил во сообраќајна незгода, по што заминал без да му биде утврден карактерот на повредите.
Во врска со случајот, од местото биле подигнати чаури од пиштол и две патнички возила.
Се преземаат мерки за комплетно расчистување на случајот по што ќе бидат поднесени соодветни поднесоци.