Во пресрет на протестот во Србија, упатени закани кон вработените во телевизијата Н1

Српската телевизија Н1/ Фото N1InfoBG Twitter Screenshot

Во пресрет на најавените граѓански протести во Србија, преку социјалните мрежи и електронската пошта биле упатени повеќе закани до телевизијата Н1.рс, нејзините вработени, но и членови на семејствата на вработените, соопшти денеска телевизијата.

Телевизијата Н1 на својата веб-страница соопшти дека за овие закани ги информирала надлежните институции и постојаната работна група за безбедност на новинарите.

Во објава на Твитер, лице со корисничко име @JerinaOpicena напиша – „Во сабота, кога @N1infoBG ќе почне да поттикнува братоубиствена војна, упаднете во @N1infoBG, прекинете ја програмата, не вршете насилство, избркајте ги сите на улица. Никој не може да работи незаконски во Србија, да пропагира фашизам, да повикува на граѓанска војна. Ако државата не реагира # Mi333, ние ќе го направиме тоа“.

Во друга порака, која стигнала на е-маил адресата на редакцијата, лице кое се претставува како Симо Периќ напишало – „Имате мои информации. Тоа не е лажен профил. Сакам да кажам дека утре не плачете за тоа што ќе се случи со твоите најблиски. ТИ, N1 си причината, и ти ќе бидеш жртва. Не веруваш?“

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот