Нововенчана двојка е убиена во пукање во предградие на Мелбурн, јавуваат австралиските медиуми.

Станува збор за 29-годишниот Ветон Мусаи кој починал во болница, ден по смртта на неговата 25-годишна сопруга Линдита, кои по потекло се од Струга.

Единствениот осомничен за крвавиот чин е таткото на убиената, 55-годишниот Осман Шаптафај кој има прострелна рана што си ја нанел обидувајќи се да се самоубие откако ги убил ќерката и зетот.

Таткото на Линдита останува во болница под полициска заштита, каде му се санираат повредите здобиени од огнено оружје.

Полицијата соопшти дека нема потрага по друго лице во врска со овој инцидент. Инаку, семејството Мусаи е по потекло од Струга.