Во основните и средните училишта во Велес 10 ученици и пет наставници заразени со коронавирусот

Во основните и средните училишта во Велес има вкупно 10 ученици позитивни на коронавирусот, а 42 се во изолација. Позитивни на ковид се пет наставници и еден е во изолација.

Од тоа кај основците заразени се три ученици и 24 се во изолација, а кај средношколците се седум и 18 ученици се во изолација.

Во основните училишта во Велес има еден позитивен наставник и еден е во изолација, а од средните училишта четворица наставници се позитивни на коронавирусот.

Од техничките служби има заразени четворица од кои еден во основно училиште, еден е од средношколскиот дом и двајца кои работат во детските градинки „Димче Мирчев”.

Инаку во велешките градинки моментално нема заразени деца, воспитувачки и негувателки. 

Извор: МИА