Во Општина Гевгелија двојно зголемен бројот на решени урбанистички предмети

Одделението за урбанизам, градежништво и заштита на животната средина во општина Гевгелија, изминатата 2020 година, за разлика од претходната, решило двојно повеќе предмети и барања поднесени по разни основи.

Од Општината потврдија дека вкупно биле поднесени 1242 барања од кои дури 1239 биле решени, а во тековната година се решаваат заостанати предмети од кои најголем број се поврзани со легализација на бесправни објекти.

Покрај ова, минатата година биле поднесени 62 барања за одобрение за градба од кои 52 биле решени со што е овозможена непречена реализација на проектите од страна на инвеститорите. Во најчест случај издадените одобренија се однеувале за градба на станбени објекти.

– Општина Гевгелија е меѓу првите во земјава која има електронска комуникација со Агенцијата за катастар и го применува електронското издавање на одобренија за градба. Таквиот начин на работење значително влијаеше врз ефикасноста и квалитетот на услугите кон граѓаните и правните субјекти, велат од надлежното урбанистичко одделение

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот