Во Охрид се одржа натпреварот „Куп на Македонија“ во карате, критериумски за СП во Турција
Во спортската сала „Билјанини Извори“ во Охрид, во саботата се организираше натпреварот „Куп на Македонија“ за кадети, јуниори и помлади сениори У21 во карате.
Овој натпревар беше критериумски за определување на репрезентативци за настап на Светското првенство во карате кое ќе се одржи од 26 до 30 октомври 2022 година во Конија, Турција.
Настанот го отвори претставникот од советот на општина Охрид, Перчо Божиновски, кој го отвори ова натпреварување, а во оваа прилика на идните репрезентативци им посака успех на претстојното СП.
Во јуниори ката индивиуално во женска конкуренција првото место го освои Анастасија Минговска, а во машка конкуренција првопласиран е Марио Димчевски.
Во У-21 кумите индивидуално во женска конкуренција (-61 кг.) прво место освои Викторија Јовановска, а во У-21 кумите индивидуално (-75 кг.) кај мажите најдобар е Марио Свинарски.
Сите резултати од ова првенство може да се погледнат на следниот линк ТУКА