Анти-бомбашката единица на косовската полиција денес во очи на посетата на Специјалниот пратеник на претседателот Трамп за дијалог Белград-Приштина, Ричард Гренел го затвори булеварот Бил Клинтон, во центраниот дел на Приштина,  по дојава за сомнителен куфер.

По извршениот увид на куферот за кој постоело сомнеж дека има бомба припадници на анти-бомбашката единица пронајдоа облека и лични предмети што некој ги заборавил.

Портпаролката на полицијата за регионот на Приштина, Флора Ахмети, ја потврди веста.

„Околу 13:00 часот беше завршен прегледот на сцената на улицата „Бил Клинтон“. Ништо сомнително не беше пронајдено во куферот“, изјави таа за медиумите, и додаде дека полициските службеници успеале да го идентификуваат сопственикот на куферот.

Посетата на владината делегација од САД е особено значење за Србија и за Косово, бидејќи дел од американската делегација се специјалниот претставник во преговорите за нормализација на односите меѓу двете земји, Ричард Гренел и Извршниот директор на Меѓународната корпорација за финансирање на развој (ДФЦ), Адам Белер.