Во НБА се играше тажна кошарка (ВИДЕО)
Челниците на НБА лигата одлучија да не го откажуваат натпреварите иако во хеликоптерска несреќа загина Коби Брајант.
Играчите ја одработија својата задача бидејќи мораа, многумина од нив беа тажни, а некои играа и со солзи во очите поради трагичната смрт на еден од најголемите кошаркари во историјата.
Очекувано сите средби почнаа со минута молчење, и на сите натпревари во воведните напади на екипите, играчите не ги искористија 24. секунди за напад во чест на Брајант.
Емотивно беше и во Медисон Сквер Гарден, каде играа Њујорк и Бруклин, а бекот на „мрежичките“, Кајри Ирвинг, потресен од заминувањето на својот ментор, не настапи на натпреварот.
Во најтажната вечер во историјата на НБА, речиси секаде беше иста сликата, сите се обидуваа да му оддадат последна почит на Брајант.
Резултати:
Њујорк – Бруклин 110:97
Орландо – ЛА Клиперс 97:112
Њу Орлеанс – Бостон 123:108
Атланта – Вашингтон 152:133
Сан Антонио – Торонто 106:110
Денвер – Хјустон 117:110
Портланд – Индијана 139:129