Во Москва сепак не е уапсен славниот фудбалер: Не сум единствениот Даниел Агер на светот
Поранешниот фудбалер на Брондби и на Ливерпул, Даниел Агер, преку социјалните мрежи објасни дека тој не е уапсен во Москва.
Според медиумите во Русија, на протестите кои се одржаа во Москва бил уапсен извесен Даниел Агер, и тие помислија дека станува збор за славниот фудбалер, и нивната грешка мораше да ја исправи Данецот.
„Дојде до конфузџија. Никогаш не сум рекол „Постои само еден Даниел Агер“. Сега знаеме дека тоа е точно. Тој Даниел Агер кој е споменат во инцидентот во Москва, не сум јас. Јас сум добро и се наоѓам во Шпанија“, напиша поранешниот фудбалер на својот Твитер профил.
“There is a bit of confusion out there. I have never said: “ There is only one Daniel Agger.” And now we know for sure. The Daniel Agger mentioned in an incident in Moscow is not me.” I’m safe and sound in Spain ☀️??
— Daniel Agger (@DanielAgger) January 25, 2021
Руските медиуми по објавата на фудбалерот, веднаш открија кој е уапсен на протестите во Москва, станува збор за четири години постара личност и кога работи како тату мајстор.
