Во Маџир маало на ул. „Петричка” се гради канализација и се обновува водоводот

Маџир Маало ул. Петричка
ФотоЧ Драган Митрески

Се поставува атмосферска и фекална канализација и се реконструира водоводната мрежа на ул. „Петричка” во Маџир маало во Општина Центар, во должина од 450 метри квадратни.

– Инвестицијата изнесува осум милиони евра, што општината ги доби како грант од Министерството за транспорт и врски, информираа денеска на стартот на градежните работи градоначалникот на Центар Саша Богдановиќ и министерот за транспорт и врски Горан Сугарески.

Богдановиќ потенцираше дека се решаваат реални проблеми на жителите, забалежувајќи дека  активности за нова и обнова на постојната комунална инфраструктура во населбата што е во најстрогиот дел на Центар немало 50 години.

– По  поставувањето цевки, канализација и мрежа, следува целосно асфалтирање на улицата на површина од 2.700 метри квадратни и поставување на  сите дополнителни елементи. Ме радува фактот што централната власт преку грантови ги помага општините и заедно и со сопствени средства успеваме да ги решаваме проблемите коишто, за жал, се оставени во изминатиот период. Добро е што централната власт средствата ги наменува за вистински реални проблеми, а не за непродуктивни  трошоци, изјави  Богдановиќ.

Според Сугарески, станува збор за сериозен капитален дел  во овој дел на општината и Скопје.

– Со изградбата на оваа атмосферска канализација и реконструкцијата на водоводната мрежа ќе решиме уште еден проблем на граѓаните  на овој дел на Скопје. Жално е што во  21 век се уште разговараме за водоводи и канализации, меѓутоа основна наша цел е во секое населено место и  секаде каде има потреба од изградба и реконструкција  тоа и да биде направено, рече Сугарески.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот