Во Лондон рочиште на кое САД повторно бараат екстрадиција на Асанж

Џулијан Асанж
Џилијан Асанж / Фото: EPA-EFE/FACUNDO ARRIZABALAGA
Во Лондон денеска почнува дводневното рочиште на кое американската влада повторно ќе бара екстрадиција на основачот на Викиликс, Џулијан Асанж, за да му се суди за обвинение за шпионажа.
Во јануари, судија на понискиот суд во Лондон го одби американското барање за екстрадиција на Асанж, поради објавувањето илјадници тајни воени документи преку Викиликс пред десет години.

Судијката Ванеса Барејцер одби да го екстрадира Асанж во јануари, наведувајќи здравствени причини и изјави дека тој би можел да се самоубие доколку биде држен под тешки американски затворски услови.

На американските адвокати им е дозволено да поднесат жалба на одлуката на судот за одбивање на екстрадицијата. На претходното рочиште, тие ги доведоа во прашање психијатриските наоди во случајот, тврдејќи дека Асанж не е толку болен.

Асанж, кој се наоѓа во затворот Белмарши во Лондон, се очекува да учествува на сослушувањето преку видео врска, а двајца судии кои ќе ја разгледаат жалбата ќе донесат одлука за неколку недели.

Американските обвинители го обвинија Асанж за 17 точки од обвинението за шпионажа и една точка за злоупотреба на компјутер поради објавувањето илјадници воени и дипломатски документи од страна на Викиликс. Обвиненијата предвидуваат максимална казна од 175 години затвор.

Извор: МИА

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот