Во Книн почна прославата на годишнината од хрватската воено-полициска акција „Бура“, при која од Хрватска биле протерани меѓу 220.000 и 250.000 Срби, а нешто помалку од 2.000 се убиени или исчезнати.
Одбележувањето на оваа годишнина во Хрватска е планирано со придржување на мерките заради епидемиолошката ситуација заради пандемијата на коронавирусот, па така ќе биде со значително помалку луѓе и со целиот државен врв со сите потпретседатели и министри во хрватската влада.
Хрватскиот премиер Андреј Пленковиќ напишал дека „овој ден е круната на нашата историја“.
„Ви го честитам Денот на победата и Денот на хрватските бранители! 25 години од „Бура“ се сеќаваме на најголемата победа која ја донесе слободата на Хрватска, напиша премиерот Пленковиќ на Твитер.
Čestitam Dan pobjede i domovinske zahvalnosti te Dan hrvatskih branitelja! 25 godina od Oluje prisjećamo se najveće pobjede koja je donijela slobodu 🇭🇷 i otvorila put mirnoj reintegraciji hrvatskog Podunavlja. https://t.co/9sAjzVQNnB
— Andrej Plenković (@AndrejPlenkovic) August 5, 2020
Самото одбележување во Книн оваа година падна во сенка на полемика, во Хрватска и Србија, заради одлуката во Книн да оди потпретседателот на хрватската влада од Самостојната демократска српска партија Борис Милошевиќ.
