ВО КАМИОН НАЈДЕНИ 100 КИЛОГРАМИ МАРИХУАНА: Приведен 66-годишен маж од Валандовско – Слободен печат
Хроника

ВО КАМИОН НАЈДЕНИ 100 КИЛОГРАМИ МАРИХУАНА: Приведен 66-годишен маж од Валандовско

Како што изјави портпаролот на МВР Тони Ангеловски, ноќеска околу 00.10 минути по полноќ на Граничниот премин „Табановце", товарното вoзило било зпртено по добиени оперативни сознанија дека пренесува опојна дрога.

Во товарно моторно возило „даф”, со бугарски национални ознаки, со приколка „тирсан”, со македонски регистарски ознаки, кое го управувал М.К.(66) од Јосифово, валандовско полицијата ноќеска пронашла и запленила околу 100 килограми марихуана.

Како што изјави портпаролот на МВР Тони Ангеловски, ноќеска околу 00.10 минути по полноќ на Граничниот премин „Табановце”, товарното вoзило било зпртено по добиени оперативни сознанија дека пренесува опојна дрога.

Одделот за криминалистичка полиција – Секторот за недозовлена трговија со дроги, оружје и опасни материи – Единицата за недозволена трговија со дроги во кооординација со Одделот за сузбивање на организиран и сериозен криминал при МВР, СВР Куманово, во содејство со царински службеници извршиле преглед и претрес на возилото, при што во дополнителен резервоар биле пронајдени 90 пакувања наркотична дрога марихуана со тежина од околу 100 килограми.

Според овие информации, бил пронајден и еден пиштол „MAUSER” калибар 7,65 мм, една рамка за пиштол со шест куршуми калибар 7,65 мм и еден пригушувач за пиштол.

Лицето било приведено и по целосно документирање на случајот против него ќе биде поднесена соодветна пријава, јавуваат од МВР.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close