Во Јунајтед на повидок судир помеѓу Солскјер и Фернандеш, најдобриот играч заминува во Шпанија?
Сè уште не престануваат шпекулациите за тоа што се случувало во соблекувалната на Манчестер јунајтед по поразот од Тотенхем, а медиумите тврдат дека авторитетот на Оле Гунар Солскјер е доведен во прашање.
Англиските медиуми не се откажуваат иако Бруно Фернандеш демантираше дека се искарал со соиграчите и менаџерот Солскјер по катастрофалниот пораз од Тотенхем, денеска тие тврдат дека Португалецот сака што побрзо да си замине од „Олд трафорд“.
Наводно, Фернандеш бил бесен што беше заменет против Тотенхем на полувремето и верува дека на одреден начин тој е искористен како алиби за поразот од 2:7.
Бруно Фернандеш во јануари годинава за сума од околу 55 милиони евра од Спортинг Лисабон се пресели во Манчестер јунајтед и буквално е негова заслуга што тимот обезбеди пласман во Лигата на шампионите постигнувајќи 14 гола.
Но, сезонава Португалецот не игра добро, а медиумите во Англија пишуваат дека влегол во отворена војна со Оле Гунар Солскјер. Фернандеш за португалските медиуми ги демантираше овие вести и изјави дека сакал да ја разбуди соблекувалната и дека немал никакви недоразбирања или кавга со менаџерот Солскјер.
– Имав расправија со Линделоф, но не со тренерот. Заменет сум на полувремето, а тренерот ми рече дека натпреварот практично е завршен и дека мораме да се чуваме за остатокот од сезоната. Јасно е дека бев незадоволен што ме изнесе од игра, но никогаш не би направил нешто со кое би му наштетил на тимот – изјави Фернандеш.
Развојот на настаните во соблекувалната на „Олд трафорд“ внимателно го следат Реал Мадрид и Барселона кои се заинтересирани уште во зимскиот преоден рок да интервенираат и да испратат понуда доколку Фернандеш јавно изјави дека сака да си замине.