Во Јунајтед го губат трпението со Санчо, неговата замена доаѓа од Бундеслигата
Во Манчестер јунајтед полека го губат трпението со нивното најголемо летно засилување, Џејдон Санчо кој никако да почне да ги прикажува игрите поради кои клубот на Борусија Дортмунд и плати 85 милиони евра, и веќе почна да размислува за негова замена.
Управата и навивачите се загрижени поради игрите кои ги прикажува Санчо во дресот на Манчестер јунајтед, а на трибините се помалку се слуша „кога ќе проигра“, додека се погласни се зборовите „што се чека, кога ќе го заменат“.
Поради тоа, управата сериозно размислува во зимскиот преоден рок да донесе замена за Санчо, а изборот падна на Дани Олмо кој настапува за Лајпциг.
Не е тајна дека Олмо има голема желба да се врати во Барселона, клубот во кој почна да тренира фудбал, но проблем преставува лошата финансиска ситуација во каталонскиот тим. Долговите на Барселона изнесуваат 1.35 милијарди евра и прашање е дали ќе успеат да се договорат со Лајпциг да го намали обесштетувањето кое сега изнесува 75 милиони евра.
Доколку Барселона не успее да се договори со Лајпциг, тогаш Јунајтед без проблем ќе ја плати оваа сума и ќе ја поправи грешката од летниот преоден рок кога за 85 милиони евра го купи Џејдон Санчо.