Во изминатото деноноќие двајца скопјани пронајдени мртви во својот дом
Во последните 24 часа две лица на возраст од 43 и 44 години се пронајдени мртви во своите домови, соопштуваат од МВР.
Според информациите на Министерството за внатрешни работи, вчера во 12.50 часот во СВР Скопје од Итната медицинска помош било пријавено дека имало починато лице без видливи траги на насилство во стан на ул.„Ташко Караџа“. Станува збор за С.А.(44) од Скопје. Од полицијата информираат дека извршен бил увид на местото на настанот од увидна екипа од СВР Скопје, а по наредба на Јавен обвинител телото на починатиот било дадено за обдукција.
Во вториот настан, вчера во 20 часот во СВР Скопје од страна на Итна медицинска помош било пријавено дека имало починато лице без траги на насилство во стан на ул.“Маџари“.
Се работи за И.Ј.(43) од Скопје. Извршен бил увид на местото на настанот од увидна екипа од СВР Скопје, а по наредба на Јавен обвинител телото на починатиот било дадено за обдукција.