Во Италија веќе се зборува за местенка на Реал и Борусија

epa08856095 Inter?s Romelu Lukaku (C) celebrates scoring the third goal with Inter?s Alexis Sanchez (R) during the UEFA Champions League group B soccer match between Borussia Moenchengladbach and Inter Milan in Moenchengladbach, Germany, 01 December 2020. EPA-EFE/Sascha Steinbach

Доколку Реал Мадрид и Борусија Менхенгладбах одиграат нерешено во последното коло од групната фаза во ЛШ, никаков резултат нема да му помогне на Интер да се пласира во осминафиналето.

Откако Шахтјор по втор пат сезонава го совлада Реал Мадрид, а Интер ја победи Борусија Менхенгладбах на гости, во последното коло во групата Б во ЛШ, буквално се е можно.

Единствено што е сигурно е дека Борусија Менхенгладбах нема да испадне од Европа, ќе игра или во ЛШ или во Лигата на Европа, додека преостанатите три екипи можат да играат во осминафиналето во ЛШ или да се простат од европска фудбалска пролет.

Иако со победата во Германија дојде до голема шанса да се избори за освојување на едно од првите две места во групата и да игра во осминафиналето, Интер не зависи сам од себе. Во една од комбинациите е и таа дека ќе останат без осминафинале во ЛШ го победат Шахтјор во последното коло.

Болните рани на Италијанците од 2004 година и Европското првенство сè уште не се залечени. Тогаш на Италија за пласман во нокаут фазата и беше потребен било каков резултат освен реми 2:2 помеѓу Шведска и Данска. За тие кои не се сеќаваат на овој случај, конечниот резултат меѓу двете скандинавски селекции беше токму 2:2 по што Италија испадна од ЕП.

Сега во Интер повторно стравуваат од вакво сценарио бидејќи натпреварот помеѓу Реал Мадрид и Борусија не е важен резултатот, туку само натпреварот да не заврши нерешено.

Борусија е прва на табелата со осум бода, Реал Мадрид и Шахјтор имаат по седум, а Интер пет бода, но има негативен скор со Реал Мадрид бидејќи загуби и на двете меѓусебни средби.

Поранешниот фудбалер на Реал Мадрид и на Интер, Естебан Камбијасо ги уверува фановите дека нема теорија на завера и дека дуелот меѓу „кралевите“ и Борусија нема да заврши нерешено.

– Ве уверувам и сигурен сум дека нема да има реми. Добро го познавам Реал Мадрид и тоа не смеат да си дозволат да играат на реми на домашен терен и притоа да заврши втори во групата. Сигурен сум во тоа. Интер мора да мисли само на победата – изјави Камбијасо.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот