Во Грција регистрирани 1.388 нови случаи, починаа 84 лица од Ковид-19

epa08837153 An emergency medical unit is erected in the courtyard of the 424 General Military Hospital in Thessaloniki, northern Greece, 23 November 2020. The General Staff of the Army is proceeding with the creation of a mobile emergency medical unit in the courtyard of the 424 General Military Hospital in Thessaloniki, following a decision by the political and military leadership. The unit will have 50 hospital beds and a radiology laboratory, which is necessary for the diagnosis of coronavirus effects on the chest, while it is clarified that the mobile unit will not have an Intensive Care Unit. The government also has requisitioned two private clinics and their staff in Thessaloniki in order to ease the burden on the Greek National Health System (NHS) in the fight against the coronavirus pandemic. EPA-EFE/NIKOS ARVANITIDIS

Намален е бројот, како на новозаразени, така и на смртни случаи во Грција во изминатите 24 часа, според официјалните податоци соопштени на редовната прес конференција во Министерството за здравство на Грција, јави дописничката на МИА од Атина.

Регистрирани се 1.388 нови случаи, а починаа 84 лица, додека пак 549 лица се приклучени на апарати, девет повеќе од вчера.

Професорката епидемиолог Вана Папаевангелу и член на Комисијата на епидемиолози во Министерството за здравство на Грција рече дека притисокот врз здравствениот систем е голем со оглед на тоа дека хоспитализирани се над 4.000 пациенти со Ковид-19, а исполнет е 86 отсто од капацитетот на Одделенијата за интензивна нега на лица со коронавирусот.

Во областа Атика, поширокиот регион на Атина, исполнет е 81 отсто од капацитетот, а во северна Грција достигнува до 99 проценти.

Професорката истакна дека има намалување на новите случаи, но можеби не е со очекуваниот ритам, бидејќи има голема раширеност на вирусот во општеството, но додаде дека мерките почнуваат да даваат резултати.

Заменик-министерот за цивилна заштита на Грција Никос Харадљас на редовната прес конференција, говорејќи за тоа кога ќе бидат ублажени рестриктивните мерки и карантинот, рече дека одлуката на Владата ќе биде базирана на епидемиолошките податоци, кои ги следи секојдневно и додаде дека за Владата единствен приоритет останува заштита на јавното здравје. 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот