Во Германија се поднесени рекорден број барања за азил

Германски пасош/ Фото: Michael Piepgras / Panthermedia / Profimedia

Во Германија минатата година драстично се зголеми бројот на баратели на азил кој сега изнесува 217.774, заедно со повеќе од еден милион бегалци од Украина кои не треба да поднесат барање за азил за да добијат заштита.

Во Германија 217.774 лица првпат поднеле барање за азил во 2022 година, што е зголемување за 47 отсто во споредба со претходната година, соопшти Федералниот завод за статистика во Визбаден.

Најголем број баратели на азил доаѓаат од Сирија, а потоа следат оние од Авганистан, Турција, Ирак и Грузија. Околу милион бегалци кои пристигнаа во Германија по рускиот напад на Украина не се вклучени во таа статистика бидејќи, според упатствата на ЕУ, бегалците од Украина не се обврзани да поднесат барање за азил за да добијат заштита.

Бројот луѓе кои побарале заштита во Германија во рок од една година ја надмина бројката од 2016 година, кога во Германија пристигнаа речиси еден милион бегалци од Сирија.

Позитивна одлука е донесена за 17 отсто од сите поднесени барања за азил, а 21 отсто биле одбиени. Во други случаи била пружена заштита до понатамошно известување, поради можна опасност во случај на враќање во татковината.

Германската министерка за внатрешни работи, Ненси Фезер, рече дека бројот на баратели на азил се зголемува и покрај бројните мерки насочени кон намалување на илегалните преминувања на границата.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот