Со денешното засадување на 75 сертифицирани садници во општина Гази Баба се оформи првиот овошен парк. Акцијата, како што информираат од локалната самоуправа, се спроведе во рамките на платформата „Take green actions“ и спроведување на кампањата „Зелен лист – Воздух чист“, во соработка со Факултетот за земјоделски науки и храна и компанијата „ДС Смит“ од Скопје.

Во наредниот период активностите за формирање на овошни паркови ќе се прошири и во други делови на општина Гази Баба и предвидени се активности за формирање на овошни паркови во основните училишта и градинките – велат од Гази Баба.

Оттаму додаваат дека со формирањето на урбаните овошни паркови од една страна се дава поддршка на предизвикот на ФАО Свет без глад до 2030 година и од друга страна се создаваат нови зелени површини и се придонесува кон зачувување на животната средина.