Во фурна во Солун можете да си пазарувате со биткоин

Леб и бело пециво во Солун можат да се купат и со биткоин, откако сопственик на фурна одлучил купувачите освен со евра, да можат да плаќаат и со криптовалутата, објави грчката новинска агенција АНА-МПА.

Сопственикот на фурната Стратос Инглезакис за АНА-МПА вели дека безбедноста на трансакциите и неговата љубов кон технологијата биле причина за одлуката, но објаснува дека засега мал е бројот на оние кои одбираат да платат со биткоини, јави допсиничката на МИА од Атина.

– Причината што решив во мојата продавница да спроведам плаќање со битокин е љубовта кон технологијата, слободата што ја нуди како децентрализирана валута и секако безбедноста на трансакциите – коментира Инглезакис за АНА-МПА.

Сопственикот на фурната за АНА-МПА вели дека пита со сирење чини 1,80 евра што во биткони е 0,00023760 и објаснува дека за да се плати, потребно е да се симне апликацијата.

Еден биткоин денеска изнесува 7.559,81 евра или 464.815,89 денари.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот