Во Франција над 3.700 нови случаи на ковид-19, вакви бројки немале од мај

Во Франција во последните 24 часа се забележани повеќе од 3.700 нови случаи на ковид-19, најмногу од мај, според податоците кои во средата ги објави генералната управа за здравство.

Според тие податоци забележани се 3.776 позитивни денеска според 2.238 во вторникот. Од мај повеќе од 3.000 заболени се забележани само два пати, минатата сабота и недела.

Вкупно во седум дена се тестирани 16.747 лица и биле позитивни на ковид-19.

Француските болници примиле 162 нови пациенти во последните 24 часа, спроти 185 во вторникот. Вкупно се хоспитализирани 4.806 лица.

Видео на денот